450
திருவருணை
தனதனனத் தனதான தனதனனத் தனதான
இரவுபகற் பலகாலும் இயலிசைமுத் தமிழ்கூறித்
திரமதனைத் தெளிவாகத் திருவருளைத்தருவாயே
பரகருணைப் பெருவாழ்வே பரசிவத் துவஞானா
அரனருள்சற் புதல்வோனே அருணகிரிப் பெருமாளே
பதம் பிரித்து உரை
திரம் அதனை தெளிவு ஆக திரு
அருளை தருவாயே
பரம கருணை பெரு வாழ்வே பர
சிவ தத்துவ ஞானா
அரன் அருள் சற் புதல்வோனே
அருண கிரி பெருமாளே
இரவு பகல் - இரவும் பகலும்
பல காலும் - பல முறையும் இயல் இசை முத்தமிழ் கூறி - இயல், இசை நாடகம் என்ற மூவகைப்பட்ட தமிழால் (உன்னைப்) புகழ்ந்து பாடி
திரம் - நிலைத்தது எதுவோ அதை
தெளிவு ஆக - எனக்குத் தெளிவுடனே விளங்க
அருளைத் தருவாயே - உனது திருவருளைத் தந்தருள்க
பர கருணை - மேலான கருணையுடன்
பெரு வாழ்வே - விளங்கும் பெரு வாழ்வே
பர சிவ தத்துவ - மேலான சிவமயமான உண்மையான
ஞானா - ஞானப் பொருளே
அரன் அருள் - சிவபெருமான் அருளிய
சற் புதல்வோனே - நல்ல பிள்ளையே அருணகரிப் பெருமாளே - திருவண்ணாமலையில்
வீற்றிருக்கும் பெருமாளே
சுருக்க உரை
நாள்தோறும் பல முறையும் முத்தமிழால் உன்னைப் புகழ்ந்து பாடி, நிலையான பொருள் எதுவோ அதனை எனக்கு விளங்கும் படியான திருவருளைத் தந்து அருளுக. கருணைப் பெருங்கடலே! சிவமயமான உண்மையான ஞானப் பொருளே! சிவபெருமான் மகனே! திருவண்ணாமலையில் வீற்றிருக்கும் பெருமாளே! உன் திருவருளைத் தருவாயாக
No comments:
Post a Comment